Bað liðsfélagana afsökunar - „Á bara að halda kjafti og fara út af“

Pedro Neto, leikmaður Chelsea, var rekinn af velli í tapinu gegn Arsenal í gær þegar hann fékk sitt seinna gula spjald fyrir heimskulegt brot. Nokkrum mínútum áður hafði hann fengið gult fyrir að tuða í dómaranum.

Alls níu sinnum á tímabilinu hefur leikmaður Chelsea fengið rautt spjald og liðið er tveimur rauðum spjöldum frá því að jafna úrvalsdeildarmet yfir flest rauð spjöld á tímabili.

Liam Rosenior, stjóri Chelsea, greindi frá því á fréttamannafundi í dag að Pedro Neto hefði beðið liðsfélaga sína afsökunar á brottvísuninni í gær.