Satriano fagnar stórkostlegu marki sínu
Real Madrid 0 - 1 Getafe
0-1 Martin Satriano ('39 )
Rautt spjald: ,Franco Mastantuono, Real Madrid ('90)Adrian Liso, Getafe ('90)
0-1 Martin Satriano ('39 )
Rautt spjald: ,Franco Mastantuono, Real Madrid ('90)Adrian Liso, Getafe ('90)
Spænska stórveldið Real Madrid tapaði óvænt fyrir nágrönnum sínum í Getafe, 1-0, á Santiago Bernabeu í La Liga á Spáni í kvöld og fóru þarna dýrmæt stig í súginn í titilbaráttunni.
Real Madrid var án margra sterkra lykilmanna á borð við Kylian Mbappe, sem hefur verið þeirra markahæsti maður á tímabilinu, og þá voru Jude Bellingham, Eder Militao og fleiri leikmenn fjarverandi.
Sigurmark Matrin Satriano var eitt af mörkum tímabilsins er hann tók hann viðstöðulaust á lofti og hamraði honum í samskeytin hægra megin undir lok fyrri hálfleiks.
Varnarleikur Getafe var þéttur en Real Madrid gat ekki kvartað yfir stöðunum sem leikmenn komu sér í. Þeir fengu urmul af þeim en þá vantaði leikmennina sem eru bestir í að klára þær stöður eins og Mbappe. Vini Jr klúðraði dauðafæri einn á móti marki og Arda Güler var nálægt því að skora eftir frábært einstaklingsframtak en inn vildi boltinn ekki.
Á lokamínútunum sá Franco Mastantuono rauða spjaldið fyrir að rífa kjaft við dómarann og stuttu síðar sá Adrian Liso, leikmaður Getafe, einnig rauða spjaldið sem var sérkennilegur misskilningur.
Liso fékk boltann inn fyrir vörnina og fékk að leika sér með hann áður en hann fór út í teiginn. Þá flautaði dómarann rangstöðu en Liso hélt að hann væri að flauta til leiksloka. Svo var ekki og uppskar Liso sitt annað gula spjald og þar með rautt.
Sérstakt atvik en rétt eftir atvikið var leikurinn flautaður af og lokatölur 1-0 fyrir Getafe. Real Madrid varð af mikilvægum stigum, en það er í öðru sæti með 60 stig, fjórum stigum á eftir toppliði Barcelona á meðan Getafe er í 11. sæti með 32 stig.
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 35 | 30 | 1 | 4 | 91 | 31 | +60 | 91 |
| 2 | Real Madrid | 35 | 24 | 5 | 6 | 70 | 33 | +37 | 77 |
| 3 | Villarreal | 35 | 21 | 6 | 8 | 65 | 40 | +25 | 69 |
| 4 | Atletico Madrid | 35 | 19 | 6 | 10 | 58 | 38 | +20 | 63 |
| 5 | Betis | 35 | 13 | 15 | 7 | 54 | 43 | +11 | 54 |
| 6 | Celta | 35 | 13 | 11 | 11 | 49 | 44 | +5 | 50 |
| 7 | Getafe | 35 | 13 | 6 | 16 | 28 | 36 | -8 | 45 |
| 8 | Real Sociedad | 35 | 11 | 11 | 13 | 54 | 55 | -1 | 44 |
| 9 | Athletic | 35 | 13 | 5 | 17 | 40 | 51 | -11 | 44 |
| 10 | Vallecano | 35 | 10 | 13 | 12 | 35 | 41 | -6 | 43 |
| 11 | Osasuna | 35 | 11 | 9 | 15 | 42 | 45 | -3 | 42 |
| 12 | Valencia | 35 | 11 | 9 | 15 | 38 | 50 | -12 | 42 |
| 13 | Sevilla | 35 | 11 | 7 | 17 | 43 | 56 | -13 | 40 |
| 14 | Elche | 35 | 9 | 12 | 14 | 46 | 54 | -8 | 39 |
| 15 | Mallorca | 35 | 10 | 9 | 16 | 43 | 52 | -9 | 39 |
| 16 | Espanyol | 35 | 10 | 9 | 16 | 38 | 53 | -15 | 39 |
| 17 | Girona | 35 | 9 | 12 | 14 | 36 | 51 | -15 | 39 |
| 18 | Alaves | 35 | 9 | 10 | 16 | 41 | 54 | -13 | 37 |
| 19 | Levante | 35 | 9 | 9 | 17 | 41 | 57 | -16 | 36 |
| 20 | Oviedo | 35 | 6 | 11 | 18 | 26 | 54 | -28 | 29 |
