Ísland vann Slóvakíu 1-0 í undankeppni EM
„Já, bara frábær sigur og frábært að klára þetta verkefni með 6 stigum hérna heima'' segir Jón Þór Hauksson þjálfari Íslenska landsliðsins eftir 1-0 sigur á Slóvakíu í undankeppni EM.
Lestu um leikinn: Ísland 1 - 0 Slóvakía
„Við svo sem vissum það að það gæti farið í það að slóvakanir eru með öflugt lið og það hefur verið sú þróun á þeirra leik að þau hafa verið að fá, fá mörk á sig í undanförnum leikjum og náðu fínum úrslitum í síðustu þremur leikjum þannig að við vissum það að við þurfum að láta boltan ganga hratt á milli okkar og koma okkur í fyrirgjafastöður.''
Jón Þór gerði þrjár breytingar á liðinu frá því á fimmtudaginn. Svava Rós guðmundsdóttir, Fanndís Friðriksdóttir og Ásta Eir Árnadóttir komu allar inn í stað Hlínar Eiríksdóttur, Öglu Maríu Albertsdóttur og Sifjar Atladóttur.
„já virkilega ánægður með hópinn og virkilega ánægður með liðið. Við treystum á þessa 23 leikmenn og bara ánægður með liðið í dag.''
„Við spilum 4.október fyrst við frakka, æfingarleik við frakka áður en við förum til Lettlands og spilum þriðja leikinn í riðlinum og ég er bara mjög bjartsýnn á framhaldið.''
Viðtalið í heild sinni má nálgast hér að ofan.
Athugasemdir