03.10.24 - 20:05
Brynjar Ingi Erluson
Fyrrum landsliðsmaður Danmerkur í fjögurra vikna gæsluvarðhald
Mynd: Getty Images
Mynd: Getty Images
Fyrrum fótboltamaðurinn Nicki Bille Nielsen hefur verið úrskuraður í fjögurra vikna gæsluvarðhald en hann er ákærður fyrir þjófnað, rán og hótanir í garð starfsmanna verslunarinnar Coop 365. Þetta kemur fram í TV2.
Nielsen, sem er 36 ára gamall, spilaði með félögum á borð við Elche, Villarreal, Rayo Vallecano, Rosenborg og Nordsjælland á ferli sínum, en hann lagði skóna á hilluna fyrir þremur árum.
Framherjinn þótti gríðarlega öflugur og lék hann meðal annars þrjá landsleiki fyrir danska landsliðið og skoraði eitt mark, en vandræði hans utan vallar settu svartan blett á feril hans.
Nielsen á sér langan afbrotaferil. Hann var meðal annars dæmdur í eins mánaðar fangelsi í Mónakó árið 2018 fyrir líkamsárás og vörslu á eiturlyfjum og þá var hann rekinn frá Lyngby sama ár eftir að hann skaut annan einstakling með loftbyssu á Strikinu í Kaupmannahöfn.
Nokkrum mánuðum síðar var hann skotinn með haglabyssu er þrír menn réðust inn í íbúð hans í Kaupmannahöfn.
Fyrrum framherjinn er nú aftur búinn að koma sér í klandur en hann var handtekinn í í Danmörku vegna þjófnað í versluninni Coop 365 og þá hótaði hann tveimur starfsmönnum ef þeir myndu tilkynna hann til yfirvalda.
„Ég mun brjóta í ykkur kjálkann þannig þið þurfið að borða jógúrt í sex vikur,“ átti Nielsen að hafa sagt við starfsmennina.
Nielsen var kærður fyrir þjófnað og hótanir, en hann var leiddur fyrir dómara í dag og játaði að hluta til sök. Dómarinn úrskurðaði hann í fjögurra vikna gæsluvarðhald eða til 31. október.
Framherjinn þótti gríðarlega öflugur og lék hann meðal annars þrjá landsleiki fyrir danska landsliðið og skoraði eitt mark, en vandræði hans utan vallar settu svartan blett á feril hans.
Nielsen á sér langan afbrotaferil. Hann var meðal annars dæmdur í eins mánaðar fangelsi í Mónakó árið 2018 fyrir líkamsárás og vörslu á eiturlyfjum og þá var hann rekinn frá Lyngby sama ár eftir að hann skaut annan einstakling með loftbyssu á Strikinu í Kaupmannahöfn.
Nokkrum mánuðum síðar var hann skotinn með haglabyssu er þrír menn réðust inn í íbúð hans í Kaupmannahöfn.
Fyrrum framherjinn er nú aftur búinn að koma sér í klandur en hann var handtekinn í í Danmörku vegna þjófnað í versluninni Coop 365 og þá hótaði hann tveimur starfsmönnum ef þeir myndu tilkynna hann til yfirvalda.
„Ég mun brjóta í ykkur kjálkann þannig þið þurfið að borða jógúrt í sex vikur,“ átti Nielsen að hafa sagt við starfsmennina.
Nielsen var kærður fyrir þjófnað og hótanir, en hann var leiddur fyrir dómara í dag og játaði að hluta til sök. Dómarinn úrskurðaði hann í fjögurra vikna gæsluvarðhald eða til 31. október.
