Breiðablik leiðir í hálfleik í úrslitaleik Mjólkurbikarsins

Fyrirliði Breiðabliks, Höskuldur Gunnlaugsson skoraði fyrsta mark leiksins á 4. mínútu, eftir stoðsendingu frá Óla Val Ómarssyn.

„Hornspyrnan nær ekki yfir fyrsta mann en Blikar halda sókninni áfram. Óli Valur kemur svo með sendinguna á Höskuld sem gerir vel og tekur svo frábært skot niður í hægra hornið sem Arnar Daði ræður ekki við."

Kristófer Ingi Kristinnson skoraði seinna mark Breiðabliks á 40. mínútu. Davíð Þór Ingvarsson með stoðsendinguna.

„Aftur er það úr horni.

Hornspyrnan frá Höskuldi inn á teiginn. Kristófer á skallann sem fer beint í kassann á Davíð. Hann kassar hann aftur á Kristófer sem klárar fagmannlega með föstu skoti meðfram jörðinni.

Óverjandi og farið að líta ágætlega út fyrir Blika."