Spánn: Atletico Madrid með mikilvægan sigur

Alexander Sorloth braut ísinn þegar minna en 10 mínútur voru til hálfleiks eftir undirbúning Nahuel Molina. Hálfleikstölur 1-0 Madrídingum í vil.

Það var lítið um færi í fyrri hálfleiknum en Alexander Sorloth tvöfaldaði forystuna fyrir heimamenn þegar minna en 10 mínútur voru eftir af leiknum. Rodrigo De Paul lagði upp markið en þetta var fjórða mark Sorloth á tímabilinu.

Atletico Madrid fékk aðeins eitt skot á sig í leiknum en þeir hafa fengið fæstu mörkin á sig í deildinni til þessa, 7 mörk fengin á sig í 12 leikjum.

Með sigrinum fer Atletico Madrid í 3. sætið aðeins einu stigi á eftir Real Madrid sem er í 2. sæti og 7 stigum á eftir Barcelona sem eru á toppi deildarinnar. Þau lið eiga þó leik til góða ásamt Villareal sem er einu stigi á eftir Atletico í 4. sætinu.