Barcelona vill fá Micky van de Ven (24) frá Tottenham og ætlar að leggja aukinn þunga á tilraunir sínar til að landa hollenska varnarmanninum í sumar. (Sport)

Manchester United er tilbúið að bjóða portúgalska miðjumanninum Bruno Fernandes (31) endurbættan samning sem færir honum 400 þúsund pund í vikulaun. Bruno ætlar að bíða og sjá hvort United komist í Meistaradeildina. (Mirror)

Enn ríkir óvissa um langtímaframtíð Kobbie Mainoo (20) hjá Manchester United en viðræður um nýjan samning hafa dregist á langinn. (Mail)

Arsenal hefur fengið þau skilaboð frá Inter að ítalski framherjinn Pio Esposito (20) sé ekki til sölu, sama hver upphæðin sé. (Gazzetta dello Sport)

Juventus hyggst endurnýja áhuga sinn á franska framherjanum Randal Kolo Muani (27) sem er hjá Tottenham á láni frá Paris St-Germain. (Calciomercato)

Aston Villa er eitt af þeim félögum sem hafa áhuga á velska sóknarmiðjumanninum Harry Wilson (28). Wilson hefur átt frábært tímabil með Fulham en samningur hans rennur út í sumar. (Fabrizio Romano)

Brentford hyggst losa sig við allt að fimm leikmenn í sumar, þar á meðal portúgalska miðjumanninn Fabio Carvalho (23). (The I)

Manchester United hefur ekki í hyggju að selja enska miðjumanninn Mason Mount (27) í sumar þrátt fyrir áhuga frá Aston Villa og Fulham. (Football Insider)

Juventus virðist hafa komist nær því að gera nýjan samning við Dusan Vlahovic (26) en núgildandi samningur serbneska sóknarmannsins rennur út í sumar. (Tuttosport)

Austurríski miðjumaðurinn Konrad Laimer (28) er ekki nálægt því að gera nýjan samning við Bayern München. Það ber mikið á milli í viðræðunum. (Sky Sports Þýskalandi)

Massimiliano Allegri, stjóri AC Milan, er einn af þeim sem koma til greina sem næsti stjóri Real Madrid. (Il Corriere dello Sport)