Malen, Maguire, Rashford, Greenwood, Yoro, Eriksen og fleiri góðir í slúðri dagsins
   lau 04. júlí 2020 14:10
Sæbjörn Þór Þórbergsson Steinke
Pétur kom Gróttu á blað í efstu deild - Kristján japlar á sokk
Markinu áðan fagnað. Eyjólfur Garðarsson tók myndina.
Markinu áðan fagnað. Eyjólfur Garðarsson tók myndina.
Mynd: Fótbolti.net - Eyjólfur Garðarsson
Grótta hefur skorað sitt fyrsta mark í sinni stuttu sögu í efstu deild á Íslandi. Fjórði leikur félagsins í efstu deild fer í dag fram á Vivaldi-vellinum, heimavelli liðsins, og eru HK gestirnir á Seltjarnarnesi.

Pétur Theódór Árnason, framherjinn stóri og stæðilegi, skoraði fyrsta mark Gróttu strax á annarri mínútu.

„GRÓTTA ER KOMIN Á BLAÐ!!!! Pétur Theódór Árnason er fyrsti markaskorari Gróttu í efstu deild! Geggjaður bolti fastur niðri fyrir markið frá Axel Sigurðssyni og Pétur kemur á ferðinni á fjærstöng og potar honum inn!" skrifar Stefán Marteinn Ólafsson í beinni textalýsingu frá leiknum.

Nú eru um tíu mínútur liðnar af leiknum og staðan er 1-0 fyrir Gróttu. Kristján Óli Sigurðsson, sparkspekingur, setti skemmtilega færslu á Twitter í kjölfar marksins sem má sjá hér að neðan.

Smelltu hér til að fara í beina textalýsingu


Athugasemdir
banner
banner
banner
banner