Fyrsta hugsun að henda öllum heim - „Þetta voru bara svik“

Markmiðið skýrt
Vinni Ísland riðilinn fer liðið beint upp í B-deildina og möguleiki er að sigur í riðlinum tryggi umspil um sæti á EM 2028.

„Markmiðið er mjög skýrt. Við þurfum að klára málið. Það getur verið erfið hindrun en ég skynja það að hópurinn er mjög einbeittur á að gera það. Læra af fyrri mistökum - koma okkur í B-deild og safna eins mörgum stigum og hægt er svo við verðum í góðri stöðu fyrir hugsanlegt umspil fyrir EM.“

Ánægður með afgreiðslu agabrotana
Nú þegar rykið er aðeins sest, ert þú ánægður með meðhöndlun á agabrotunum sem áttu sér stað í síðasta glugga?

„Virkilega, ég held að það sé hollt að efast alltaf einhvern veginn um sjálfan sig. Fyrsta hugsun var blóðheit - ætla sér að reka menn heim og ég verð hetjan. Að gera það sama og Lars (Lagerback) gerði við Zlatan (Ibrahimovic).

En þegar þú hugsar þinn gang að þá er ég ánægður með þessa ákvörðun, sambandið og leikmennina sem komu að þessu máli, hvernig þeir hafa dílað við þetta í kjölfarið. Ég er enn sáttari við leikmannahópinn og fyrirliðann minn hvernig þeir höndluðu þetta.“

TENGT EFNI08.10.26 - 18:46

Agabrot innan íslenska landsliðshópsins í glugganum

Biður um traust stuðningsmanna
Arnar fékk gagnrýni fyrir að refsa brotlegum leikmönnum ekki nóg. Hann segist skilja þá umræðu fullkomlega en biður stuðningsmenn um að treysta sér fyrir ákvörðuninni.

„Ég held að fólk hafi ekki haft upplýsingar um hvað nákvæmlega gerðist þetta örlagaríka kvöld. En við höfðum allar upplýsingar. Ég þarf að biðja fólk um að treysta mér fyrir þeirri ákvörðun sem var tekin,“ sagði Arnar en rætt var um að leikmenn hefðu mætt á pókerklúbb umrætt kvöld.

TENGT EFNI09.10.26 - 11:52

Landsliðsmenn mættu á pókerklúbb - „Gat ekki séð neitt vesen“

Engar gæsalappir með það
Hver voru þín fyrstu viðbrögð þegar þetta kom upp?

„Það var að henda öllum heim. Það er ósköp eðlilegt. Þetta voru innan gæsalappa svik, eða engar gæsalappir með það, þetta voru bara svik. Svo taka við samtöl, við leikmenn og stjórn KSÍ, og menn fá að anda með nefinu.

Maður fékk að vita hug viðkomandi leikmanna í samtölunum. Hver hefur sinn djöful að draga. Þessir menn voru ekki að meina eitthvað illt með því að gera þessa hluti. Í framhaldinu að því viljum við hjálpa þeim með þeirra vandamál, þeirra feril og þeirra líf,“ sagði Arnar að lokum.

Viðtalið má sjá í heild sinni í spilaranum hér að ofan.