Carragher: Liverpool þarf að kaupa einhvern sem skorar

Jaime Carragher, sérfræðingur Sky, segir að Liverpool verði að styrkja sóknarleik sinn vel í sumar til að komast aftur á beinu brautina.

Liverpool tapaði fimmta leiknum á röð á heimavelli í gær þegar Chelsea kom í heimsókn. Ensku meistararnir eru í basli í baráttunni um Meistaradeildarsæti.

„Liverpool þarf að gera eitthvað stórt á félagaskiptamarkaðinum með því að fá einhvern sem skorar mörk," sagði Carragher eftir leikinn í gær.

„Það verður erfitt fyrir Liverpool að enda í topp fjórum því Chelsea voru mjög öflugir og þeir hafa topp hóp."