England: Tottenham í bullandi vandræðum

Tottenham er í gríðarlega erfiðum málum eftir tap gegn Crystal Palace á heimavelli í kvöld.

Crystal Palace varð fyrst til að koma boltanum í netið þegar Ismaila Sarr skaut og boltinn fór af Pedro Porro og sveif yfir Guglielmo Vicario og í netið. Markið var hins vegar dæmt af þar seem Sarr var dæmdur rangstæður en það munaði litlu.

Fimm mínútum síðar náði Tottenham forystunni þegar Dominic Solanke skoraði eftir fyrirgjöf frá Archie Gray. Adam var ekki lengi í paradís því aðeins fjórum mínútum eftir markið fékk Micky van de Ven rautt spjald fyrir að rífa Sarr niður í teignum og vítaspyrna dæmd sem Sarr skoraði úr og jafnaði metin.

Crystal Palace skoraði síðan tvö mörk í uppbótatíma fyrri hálfleiks og fór með tveggja marka forystu inn í hálfleik. Margir stuðningsmenn Tottenham fengu nóg og foru heim í hálfleik.

Tottenham var nálægt því að koma sér inn í leikinn strax í upphafi seinni hálfleiks en Dean Henderson varði skalla frá Kevin Danso vel. Hvorugu liðinu tókst að bæta við mörkum í seinni hálfleik og Crystal Palace fór með sigur af hólmi.

Tottenham hefur tapað öllum þremur leikjum sínum undir stjórn Igor Tudor og situr í 16. sæti með 29 stig, aðeins stigi frá fallsæti. Crystal Palace er í 13. sæti með 38 stig.