mið 05. ágúst 2020 06:00
Brynjar Ingi Erluson
Sassuolo hafnaði tilboði Napoli í Boga
Jeremie Boga
Jeremie Boga
Mynd: Getty Images
Ítalska félagið Sassuolo hefur hafnað 25 milljón evra tilboði Napoli í Jeremie Boga en TuttoMercatoWeb greinir frá þessu. Sassuolo vill fá 40 milljónir evra fyrir leikmanninn.

Boga er 23 ára gamall en hann átti afar gott tímabil með Sassuolo þar sem hann gerði 11 mörk og lagði upp 4 í 34 leikjum.

Hann hefur skapað sér gott nafn í Seríu A og eru nú stærstu liðin á Ítalíu á eftir honum

Samkvæmt TuttoMercatoWeb þá hefur Napoli lagt fram 25 milljón evra tilboð í Boga en Sassuolo vill þó fá eitthvað í kringum 40 milljónir evra fyrir hann.

Sama heimild segir að tilboðinu hafi verið hafnað en Napoli mun leggja fram annað tilboð í leikmanninn.
Athugasemdir
banner
banner
banner
banner