Arteta fór yfir meiðslastöðuna: Saka og Ödegaard á góðum batavegi

Arsenal, sem er með sex stiga forystu á toppi ensku úrvalsdeildarinnar, tekur á móti Sunderland á morgun. Mikel Arteta, stjóri liðsins, fór yfir stöðuna á meiðslamálunum á fréttamannafundi.

Bukayo Saka meiddist á vöðva í kringum mjöðmina í upphitun fyrir 4-0 sigurinn gegn Leeds fyrir viku og gat ekki tekið þátt í leiknum gegn Chelsea í deildabikarnum.

„Mjöðmin á Saka er orðin miklu betri og vonandi verður hann með okkur aftur mjög bráðlega," segir Arteta.