Gunnar Már, þjálfari Fjölnis
Gunnar Már Guðmundsson var að sinni eigin sögn fúll eftir leik Fjölnis í dag, en þeir tóku á móti Selfossi í 6. umferð 2. deildar þar sem Selfoss bar 2-3 sigur að býtum.
Lestu um leikinn: Fjölnir 2 - 3 Selfoss
Heilt yfir fannst mér þetta jafn leikur og við köstum þessu frá okkur í byrjun seinni hálfleiks. Við byrjuðum svolítið neðarlega í fyrri hálfleik og leyfðum þeim að stjórna leiknum en eftir 20 mínútur fannst mér við taka yfir.''
„Mér fannst við geta komið í veg fyrir þessa skyndisókn sem leiddi til fyrsta marksins. Síðan köstum við þessu frá okkur í byrjun seinni hálfleiks með tveimur mistökum sem leiða til markanna þeirra.''
Mikael Breki Jörgensson og Patryk Hryniewicki minnkuðu muninn fyrir Fjölni með tveimur mörkum á tveggja mínútna millibili
„Þegar við skorum fannst mér mómentumið komið okkar megin og við vildum þetta. Við komum boltanum í finum stöðum og það munaði ekki miklu í nokkur skipti. Þeir drápu síðan tempóið undir lokin.
Fjölnir á næst leik við KFA fyrir austan á miðvikudaginn. Gunnar var spurður hvort að hann muni hvíla einhverja leikmenn fyrir þann leik.
„Nei, við munum ekki getað hvílt mikið. Það er bara spurning hvernig menn koma úr þessum leik''
Viðtalið má sjá í heild sinni í spilaranum fyrir ofan.
