Stuðningsmannahópar Vals og Víkings hafa undanfarið sent pillur sín á milli sín um skilarétt eða engan skilarétt á landsliðsmanninum Gylfa Þór Sigurðssyni eftir félagaskipti hans frá Vals til Víkings fyrir síðasta leiktímabil.
Fotbolti.net náði tali af Gylfa í undirbúningi hans og liðsins fyrir landsleikinn gegn heimsmeisturum Argentínu á þriðjudaginn og spurði hann út í málið.
„Ég spái lítið í því. Ég fór í besta lið á Íslandi þannig ég var mjög ánægður,“ svaraði Gylfi aðspurður út í málið.
„Vonum bara það haldi áfram að ganga vel hjá okkur, við erum búnir að leggja mikið á okkur síðustu ár og erum í fínni stöðu núna,“ bætti hann við.
Víkingar eru í efsta sæti Bestu deildarinnar, með 28 stig eftir 10 leiki. KR-ingar eru þremur stigum á eftir í öðru sæti og þar á eftir koma Framarar með 20 stig, en eiga þó leik til góða á efstu tvö liðin.
„Bæði KR og Fram eru að spila vel og eru búnir að standa sig frábærlega á þessu móti, þannig að þetta verður erfitt en hvað varðar skiptin hjá mér þá er ég bara meira en ánægður að hafa skipt,“ sagði Gylfi Þór Sigurðsson, leikmaður Víkings og íslenska landsliðsins.
Gylfi ræddi einnig um argentínska landsliðið, Lionel Messi og lífið í Auburn. Viðtalið í heild má sjá í spilaranum hér að ofan.
