Colwill, Grealish og Gordon byrja - Heimir velur fyrsta byrjunarliðið

Lee Carsley er að stýra enska landsliðinu í fyrsta sinn en hann er bráðabirgðaþjálfari liðsins og er talinn líklegur til að landa þjálfarastarfinu ef vel gengur í næstu leikjum.

Það er ýmislegt sem kemur á óvart í fyrsta liðsvali Carsley, þar sem Jack Grealish, Levi Colwill og Anthony Gordon eru allir í byrjunarliðinu ásamt Harry Maguire.

Phil Foden, Cole Palmer og Ollie Watkins eru ekki með vegna meiðsla og veikinda.

Byrjunarlið Íra er ekki af verri kantinum þar sem mikill meirihluti byrjunarliðsmanna leikur í ensku úrvalsdeildinni og þá eru fimm úrvalsdeildarleikmenn á varamannabekknum.

Heimir Hallgrímsson var ráðinn til starfa sem landsliðsþjálfari Írlands í sumar og stýrir Írum í fyrsta sinn í dag. Þetta verður áhugaverður slagur þar sem einn allra frægasti sigurinn á þjálfaraferli Heimis kom einmitt gegn stjörnum prýddu landsliði Englands.

Írland: Kelleher, Coleman, O'Shea, Collins, Doherty, Molumby, Smallbone, Ogbene, Brady, Idah, Szmodics
Varamenn: Travers, O'Leary, O'Dowda, Omobamidele, Browne, Ferguson, O'Brien, McAteer, Scales, Knight, Robinson, Parrott

England: Pickford, Alexander-Arnold, Maguire, Guehi, Colwill, Mainoo, Rice, Gordon, Grealish, Saka, Kane
Varamenn: Henderson, Pope, Lewis, Stones, Gallagher, Livramento, Konsa, Gibbs-White, Gomes, Bowen, Eze, Madueke