Ian Jeffs aðstoðarþjálfari kvennalandsliðsins var ekki með liðinu í 4 - 0 tapinu gegn Frökkum á fimmtudagskvöldið því hann fór til Lettlands til að ná að njósna um lettneska liðið.
Ísland mætir Lettum í undankeppni EM 2021 á Daugava leikvanginum í Liepaja á þriðjudagskvöldið.
Íslenski hópurinn mætti eftir langt ferðalag til Liepaja um 19:00 á laugardaginn en þá var Jeffs mættur á undan þeim.
Hann kom hingað á föstudagskvöldið og var því í stúkunni þegar Lettar mættu Slóvakíu í riðlinum klukkan 16:00 á laugardaginn.
Jeffs ætti því að vita hvað ætti að varast hjá lettneska liðinu sem komst yfir í byrjun leiksins en tapaði á endanum 1 - 2. Ekki eina góða byrjun á leik hjá Lettum í riðlinum því þær komust einnig yfir gegn Svíum en töpuðu svo 5 - 1.
Athugasemdir