Kurt Zouma, miðvörður Chelsea, vakti athygli fyrir magnaðan sprett í síðari hálfleiknum. Hann vann boltann á miðjum eigin vallarhelmingi og setti í fluggírinn.

Hann lék á hvern leikmann Ajax á fætur öðrum áður en hann sólaði Daley Blind með tvöföldum skærum. Því miður fyrir hann þá fór skotið hins vegar langt yfir markið.

Frank Lampard, stjóri Chelsea, hafði gaman að þessu og gat ekki annað en brosað. Þetta skemmtilega atvik má sjá hér að neðan.