Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   mið 08. júní 2022 22:20
Sæbjörn Þór Þórbergsson Steinke
Ísak fann verk í bringunni og fór á sjúkrahús - Góðar niðurstöður
Icelandair
Ísak fór af velli á 55. mínútu.
Ísak fór af velli á 55. mínútu.
Mynd: Fótbolti.net - Haukur Gunnarsson
Ísak Snær Þorvaldsson, leikmaður U21 landsliðsins, var í byrjunarliðinu gegn Hvíta-Rússlandi í kvöld en þurfti að fara af velli snemma í seinni hálfleik þar sem hann fann fyrir verk í bringu sinni.

„Ísak Snær heldur um bringuna á sér, Ísak var bara labbandi og settist svo eftir að hafa fundið verk í brjósti," skrifaði Arnar Laufdal í textalýsingu frá leiknum.

Ísak birti mynd á Twitter eftir leikinn í kvöld þar sem hann liggur í sjúkrarúmi. „Helvítis boltinn maður🏥" skrifaði Ísak við myndina.

Fréttaritari hafði samband við Ísak og spurði hann út í stöðu mála.

„Ég fékk verk í bringuna og var í blóðprufu. Það var einnig tekið hjartalínurit," sagði Ísak sem á eftir að fara í eitt próf í viðbót.

Hann sagði að niðurstöður úr prófunum hefðu komið vel út en hann væri enn með verki í bringunni.

Uppfært 22:20:
Ísak er farinn upp á hótel U21 árs liðsins og fer í frekari tékk á morgun til öryggis.


Athugasemdir
banner
banner
banner
banner