Championship: Middlesbrough tók toppsætið af Coventry

Middlesbrough er komið á toppinn í ensku B-deildinni eftir að hafa unnið 2-1 útisigur á Sheffield United á Bramall Lane í kvöld.

Boro byrjaði tímabilið frábærlega og var á toppnum eftir átta umferðir, en misstu aðeins dampinn eftir það.

Coventry kom sér í góða stöðu og komið með tíu stiga forystu, en hefur fatast flugið undanfarnar vikur. Coventry tapaði stigum um helgina og fékk Boro tækifæri til að endurheimta toppsætið og nýtti það.

Tommy Conway skoraði á 19. mínútu með skoti í vinstra hornið og bætti Riley McGree við öðru undir lok hálfleiksins.

Patrick Bamford kom Sheffield aftur inn í leikinn með marki á 73. mínútu, en Joe Rothwell drap alla von Sheffield um að koma til baka er hann sá rauða spjaldið tíu mínútum fyrir lok venjulegs leiktíma.

Sigurinn kom Boro aftur á toppinn í fyrsta sinn síðan 17. október en liðið er með 61 stig, tveimur stigum meira en Coventry sem er í öðru sæti. Chris Wilder og lærisveinar hans í Sheffield eru í 16. sæti með 39 stig.