Lið vikunnar í enska - Þrír frá City og Szoboszlai á miðjunni

Markvörður: Gianluigi Donnarumma (Manchester City) - Risastór varsla í uppbótartíma sem tryggði City mönnum stigin þrjú. Þetta er ástæðan fyrir því að hann var keyptur, hann kemur með stórar vörslur að borðinu.

Varnarmaður: Jayden Bogle (Leeds) - Braut ísinn og var frábær upp og niður hægri vænginn í sterkum sigri Leeds á Nottingham Forest.

Varnarmaður: Marc Guehi (Manchester City) - Hann var kannski heppinn að vera enn á vellinum eftir að hafa togað í Salah. En hann hefur komið frábærlega inn í lið City og gefur varnarlínunni aukið sjálfstraust.

Varnarmaður: Axel Disasi (West Ham) - Disasi hefur sömuleiðis komið gífurlega vel inn í lið Hamranna eftir að hafa verið í kuldanum hjá Chelsea. Spilaði allan leikinn og hélt hreinu í sterkum sigri á Burnley.

Varnarmaður: El Hadji Malick Diouf (West Ham) - Diouf hefur verið frábær eftir að hann kom frá Afríkukeppninni. Hann átti sturlaða fyrirgjöf í seinna marki West Ham.

Miðjumaður: Vitaly Janelt (Brentford) - Var besti maður vallarins í 3-2 sigri Brentford á Newcastle. Gerði einföldu hlutina vel og tók varla feilspor. Ekki skemmir fyrir að hafa komið sér á blað.

Miðjumaður: Bruno Fernandes (Manchester United) - Annar sigur hjá United og önnur frábær frammistaða hjá Bruno. Hann virkar einfaldlega frjálsari undir stjórn Carrick.

Miðjumaður: Cole Palmer (Chelsea) - Þetta var fyrsti leikurinn hans í byrjunarliði undir stjórn Liam Rosenior og sá minnti á sig. Hann fær smá frádrátt fyrir að spila á móti mjög slöku Wolves-liði en engu að síður frábær frammistaða.

Miðjumaður: Dominik Szoboszlai (Liverpool) - Honum er stillt upp í tíunni þó að hann hafi verið í hægri bakverði í leiknum. Rauða spjaldið spilar enga rullu hér, því þegar þú skorar mark eins og þetta þá ertu alltaf í liðinu - Ótrúleg tækni hjá Ungverjanum.

Miðjumaður: Rayan (Bournemouth) - Skoraði sitt fyrsta mark með Bournemouth og olli miklum usla allan leikinn. Gefur Bournemouth mikið að hafa sótt þennan Brasilíumann.

Sóknarmaður: Viktor Gyökeres (Arsenal) - Vanalega fá varamenn ekki kallið í liðið, en hann kemur inn eftir klukkustund og klárar Sunderland með tveimur mörkum. Mögulega mun það ýta honum áfram að hafa Jesus og Havertz klára.

Stjórinn: Pep Guardiola (Manchester City) - Risastór úrslit á Anfield. Breytingarnar sem hann gerði höfðu mikil áhrif að þar sem Arsenal vann þá var þetta upp á líf og dauða. Þeir voru áfram óstöðugir, ennþá nokkur spurningamerki en þeir náðu í úrslitin sem er það eina sem skiptir máli.