Gummi Ben kallaði leikþáttinn hjá Tyrkjum - Güler og Calhanoglu byrja

Byrjunarlið Tyrklands fyrir leikinn gegn Íslandi hefur verið opinberað. Tyrkir voru með einhvern leikþátt í gangi í upphafi æfingarinnar í gær þar sem Arda Güler labbaði um með sjúkraþjálfara.

Hann hefur náð ótrúlega skjótum bata og er klár í að byrja leikinn. Fyrirliðinn Hakan Calhanoglu, fyrirliði liðsins, kemur þá inn í byrjunarliðið eftir að hafa byrjað á bekknum gegn Wales á föstudag.

„Það var síðan einhver leikþáttur á æfingunni í gær. Hann [Arda Güler] labbaði bara um með sjúkraþjálfara en ég er sannfærður um að hann hafi verið með á æfingunni. Tyrkinn er góður leikari," sagði Gummi Ben, sem lýsir leiknum á Stöð 2 Sport, í innslagi sem birt var á Vísi fyrr í dag.

Alls eru sex breytingar hjá Tyrkjum milli leikja, tvær breytingar í varnarlínunni. Merih Demiral, leikmaður Al-Ahli og fyrrum leikmaður Juventus, kemur inn í vörnina fyrir Caglar Soyuncu sem er leikmaður Fenerbahce og fyrrum leikmaður Leicester.

Þá halda einungis tveir af fremstu sex leikmönnum liðsins sæti sínu frá leiknum gegn Wales. Arda Güler er annar þeirra og Ismail Yüksek er hinn. Burak Yilmaz, framherji Galatasaray, fékk rautt spjald gegn Wales og er í leikbanni í kvöld.

Leikurinn byrjar klukkan 18:45 að íslenskum tíma.