Frank með Arsenal á heilanum - Tekur hann við Palace í sumar?

Thomas Frank var í morgun rekinn sem stjóri Tottenham, eftir aðeins tæplega átta mánuði í starfi. Tottenham er í 16. sæti ensku úrvalsdeildarinnar, aðeins fimm stigum frá fallsvæðinu.

The Telegraph segir að Frank hafi verið með Arsenal á heilanum og í sífellu verið að tala um liðið við leikmenn sína. Þeir hafi fljótt fengið leið á því.

Sagt er að fyrir og eftir tapleik Spurs á Emirates í nóvember hafi Frank talað endalaust um hversu gott lið Arsenal væri. Leikmenn hefðu talað um það innbyrðis að þeir vildu óska þess að hann myndi „halda kjafti“ varðandi Arsenal.

Athygli vakti í janúar þegar Frank hélt á Arsenal kaffimáli fyrir leik hjá Tottenham gegn Bournemouth.