Völdu úrvalslið Bestu deildarinnar hingað til

Vestri, spútniklið deildarinnar, á flesta fulltrúa í liðinu eða fimm talsins. Víkingur á tvo, Valur á tvo, Breiðablik á einn og KR á einn.

Besti leikmaðurinn: Patrick Pedersen (Valur)
Besti ungi leikmaðurinn: Daði Berg Jónsson (Vestri)

„Ég ætla ekki að hlusta á neitt annað," sagði Valur Gunnarsson þegar þeir ræddu um besta leikmanninn hingað til, Patrick Pedersen. „Við erum farnir að taka honum sem sjálfsögðum hlut. Við horfum á mann sem er að skora í sjö af tíu leikjum og er með níu mörk í tíu leikjum fyrir Val."

Patrick mun líklega í sumar bæta markametið í efstu deild en næsti leikur hans verður sá 200. fyrir Val.