Elliot Anderson til United?
Arsenal er í viðræðum um nýja samninga við Saka og Saliba.
Onana er á leið til Tyrklands.
Manchester United fylgist vel með Elliot Anderson, Arsenal nálgast samkomulag við Bukayo Saka og William Saliba, og ungur varnarmaður Ajax vekur mikla athygli. Þetta og fleira í slúðurpakka dagsins sem BBC tekur saman og er í boði Powerade.
Manchester United horfir í möguleikann á því að fá enska landsliðsmanninn Elliot Anderson (22) í sínar raðir frá Nottingham Forest í janúar. (Teamtalk)
Arsenal færist nær samkomulagi við þá Bukayo Saka og William Saliba um nýja samninga. Þeir renna út á samningi sumarið 2027. (Teamtalk)
Andre Onana (29) er á leið til Trabzonspor í Tyrklandi frá Manchester United. Hann hafnaði Mónakó í sumar þar sem hann fékk þau skilaboð að hann yrði aðalmarkmaður United á þessu tímabili. (The I paper)
Vinstri bakvörðurinn Tyrell Malacia (26) er líklega á leið til Eyupspor á láni frá Manchester United. (Sun)
Liverpool og Man Utd eru á meðal félaga sem fylgjast vel með Aaron Bouwman (18) varnarmanni Ajax. (Teamtalk)
Hamburg er með kaupmöguleika upp á 20 milljónir evra í lánssamningi Fabio Vieira (25) sem kom frá Arsenal í sumar. (Bild)
Aymeric Laporte (31) er að bíða eftir svari frá FIFA hvort hann fái að semja við Athletic Bilbao. Hann var síðast hjá Al-Nassr i Sádi-Arabíu. (AS)
Josh Brownhill (29) er búinn í læknisskoðun hjá Al-Shabab í Sádi-Arabíu og fer þangað á frjálsri sölu eftir að hafa yfirgefið Burnley í sumar. (Romano)
Casemiro (33) hefur verið orðaður við Sádi-Arabíu en Man Utd gæti haldið honum þangað til að samningur hans rennur út næsta sumar þar sem hann er mikilvægur hlekkur í liði Ruben Amorim. (Caught Offside)
Inter Milan vildi fá Jonathan David (25) í sumar en Kanadamaðurinn ákvað að semja við Juventus. (Gazzettan)
Athugasemdir
