„Ég er mjög svekktur. Við lögðum ekki upp með að verjast svona mikið og vera svona lítið með boltann. Við ætluðum að þétta mikið inná miðjunni en það gekk ekki og þær yfirspiluðu okkur bara,“ sagði Ray Anthony Jónsson, þjálfari Grindavíkur eftir 4-0 tap gegn Haukum í kvöld.

Lestu um leikinn: Haukar 4 -  0 Grindavík

Grindavíkurliðið átti ágæta kafla í fyrri hálfleik en sá ekki til sólar í þeim síðari.

„Það var stígandi í miðjum fyrri hálfleik en seinni hálfleikur var alls ekki nógu góður,“ sagði Ray.

„Markmiðið er alltaf að reyna að halda hreinu en við fáum fjögur mörk á okkur gegn Tindastól og svo aftur fjögur á okkur núna. Við þurfum bara að stíga skrefið til baka og byrja á varnarvinnunni. Það er ekkert annað sem að við getum gert í þessu.“

„Markmiðið er fyrst og fremst að búa til gott lið. Þetta var aðeins skref til baka en ég hef fulla trú á að við munum koma sterkar til baka í seinni hlutanum.“

Nánar er rætt við Ray í spilaranum hér að ofan.

Tweet

Senda a Facebook Hafdu samband Senda frétt Prenta frétt Frétta leit