12.07.24 - 20:54
Ívan Guðjón Baldursson
Kasper Schmeichel tekur við keflinu af Joe Hart
Mynd: EPA
Mynd: EPA
Celtic er að semja við danska landsliðsmarkvörðinn Kasper Schmeichel sem er samningslaus eftir að hafa leikið fyrir Anderlecht í belgísku deildinni á síðustu leiktíð.
Schmeichel stóð sig vel í Belgíu og gerði gott mót með Danmörku á EM til að vekja athygli á sér.
Schmeichel verður 38 ára í nóvember og lék fyrir OGC Nice í franska boltanum áður en hann hélt til Anderlecht. Hann var aðeins í eitt ár hjá Nice, en þar áður var hann aðalmarkvörður Leicester City og vann meðal annars ensku úrvalsdeildina afar óvænt með félaginu.
Celtic er, ásamt Rangers, langstærsta félag í sögu skoska boltans og hefur haft betur í baráttunni gegn Rangers á undanförnum áratugum.
Schmeichel verður væntanlega aðalmarkvörður hjá Celtic þar sem hann mun taka við keflinu af Joe Hart sem ákvað að leggja hanskana á hilluna eftir síðustu leiktíð.
Hákon Rafn Valdimarsson er meðal þeirra sem hafa verið orðaðir við markmannsstöðuna hjá Celtic í sumar, en hann er varamarkvörður hjá Brentford í ensku úrvalsdeildinni.
Schmeichel verður 38 ára í nóvember og lék fyrir OGC Nice í franska boltanum áður en hann hélt til Anderlecht. Hann var aðeins í eitt ár hjá Nice, en þar áður var hann aðalmarkvörður Leicester City og vann meðal annars ensku úrvalsdeildina afar óvænt með félaginu.
Celtic er, ásamt Rangers, langstærsta félag í sögu skoska boltans og hefur haft betur í baráttunni gegn Rangers á undanförnum áratugum.
Schmeichel verður væntanlega aðalmarkvörður hjá Celtic þar sem hann mun taka við keflinu af Joe Hart sem ákvað að leggja hanskana á hilluna eftir síðustu leiktíð.
Hákon Rafn Valdimarsson er meðal þeirra sem hafa verið orðaðir við markmannsstöðuna hjá Celtic í sumar, en hann er varamarkvörður hjá Brentford í ensku úrvalsdeildinni.
