Barca vill Dani Olmo - Crystal Palace að bjóða í Smith Rowe - Sergi Roberto vill enska boltann - Newcastle spyrst fyrir um Madueke
   fim 13. júní 2024 17:30
Elvar Geir Magnússon
Fótbolti.net bikarinn hefst á Reyðarfirði á þjóðhátíðardeginum
Leiðin á Laugardalsvöll
Úrslitaleikurinn í ár verður á Laugardalsvelli, líkt og í fyrra.
Úrslitaleikurinn í ár verður á Laugardalsvelli, líkt og í fyrra.
Mynd: Fótbolti.net - Hafliði Breiðfjörð
Mynd: Fótbolti.net - Sævar Geir Sigurjónsson
Fótbolti.net bikarinn, bikarkeppni neðri deilda, fer í gang á mánudaginn 17. júní í Fjarðabyggðarhöllinni þegar KFA og ÍH eigast við. Viðeigandi að keppnin fari í gang á þjóðhátíðardegi okkar Íslendinga.

Aðrir leikir í 32-liða úrslitunum verða allir spilaðir næsta miðvikudag.

Víðismenn eru handhafar bikarsins eftir að hafa unnið KFG 2-1 í fyrsta úrslitaleik keppninnar á síðasta ári, en þeir fá erfiðan leik gegn Haukum sem spáð er góðu gengi í 2. deild í sumar.

Þá eru tveir nágrannaslagir því Árbær - sem spilar reyndar í Breiðholti núna - mætir Elliða og Selfoss heimsækir Ægi. Verða það mjög svo áhugaverðir leikir.

Á morgun kemur inn hlaðvarpsþáttur hér á Fótbolta.net þar sem hitað verður upp fyrir leikina. Þá mun sérfræðingurinn Sverrir Mar Smárason spá í úrslit leikja áður en flautað verður til leiks.

mánudagur 17. júní
14:00 KFA-ÍH (Fjarðabyggðarhöllin)

miðvikudagur 19. júní
17:00 Höttur/Huginn-Kári (Vilhjálmsvöllur)
18:00 RB-KF (Nettóhöllin)
18:00 Víkingur Ó.-Kormákur/Hvöt (Ólafsvíkurvöllur)
18:00 Tindastóll-Reynir S. (Sauðárkróksvöllur)
18:00 KH-Sindri (Valsvöllur)
19:00 Hvíti riddarinn-Völsungur (Malbikstöðin að Varmá)
19:15 KV-Vængir Júpiters (KR-völlur)
19:15 Árbær-Elliði (Domusnovavöllurinn)
19:15 Ýmir-KÁ (Kórinn)
19:15 Magni-Hamar (Boginn)
19:15 Ægir-Selfoss (GeoSalmo völlurinn)
19:15 KFK-Skallagrímur (Fagrilundur - gervigras)
19:15 Víðir-Haukar (Nesfisk-völlurinn)
19:15 KFG-Þróttur V. (Samsungvöllurinn)
19:15 Árborg-Augnablik (JÁVERK-völlurinn)



Til félaga sem taka þátt í keppninni:
Ef félög eru til í að hjálpa okkur við að auka umgjörð um keppnina þá er allt efni velkomið. Ef félögin eru með myndir, viðtöl, upplýsingar, samfélagsmiðlaefni, beinar netútsendingar sem hægt er að kynna eða eitthvað fleira þá er tölvupósturinn opinn: [email protected] - Einnig er hægt að senda okkur ábendingar eða hugmyndir.
Athugasemdir
banner
banner
banner