Besta deildin: Víkingur gekk frá KR í fyrri hálfleik

Víkingur er komið á toppinn eftir öruggan sigur á KR á Meistaravöllum í kvöld.

Gísli Gottskálk Þórðarson kom Víkingum yfir eftir rúmlega tíu mínútna. Ari Sigurpálsson renndi boltanum inn á teiginn og Gísli mætti og skoraði á opið markið.

Víkingur var ekki lengi að bæta við öðru markinu en þá lagði Gísli upp mark á Valdimar sem skoraði úr dauðafæri.

Undir lok fyrri hálfleiks innsiglaði Danijel Dejan Djuric sigur Víkings með marki af vítapunktinum. Slæm mistök hjá KR-ingum í aðdragandanum þar sem Alex Þór Hauksson átti slæma sendingu á Theodór Elmar en Valdimar var á undan honum í boltann og Theodór braut á honum innan teigs.

KR fékk sitt besta færi þegar skammt var til loka venjulegs leiktíma en þá komst Atli Sigurjónsson einn í gegn og lyfti boltanum yfir Ingvar en boltinn fór að lokum framhjá markinu.