Fótbolti.net

þri 14. janúar 2025 10:30

Guðmundur Aðalsteinn Ásgeirsson

Sérfræðingurinn spáir í 21. umferð ensku úrvalsdeildarinnar

Böddi löpp með Sérfræðingnum.

Mynd: Fótbolti.net - Elvar Geir Magnússon

Chris Wood.

Mynd: EPA

Nær Arsenal í sigur gegn Tottenham?

Mynd: EPA

Man Utd mætir neðsta liði deildarinnar.

Mynd: EPA

Það er leikið í miðri viku í ensku úrvalsdeildinni þessa vikuna. Og þar sem styttist í handboltaveisluna, þá er vel við hæfi að Sérfræðingurinn sjálfur, Arnar Daði, spái í leikina.

Andri Már Eggertsson, Nablinn, var með fimm rétta í síðustu umferð og ætlar séffinn að gera betur en það.

Chelsea 1 - 1 Bournemouth (19:30 í kvöld)
Það er jafnteflislykt af þessum leik. Bournemouth virðast ekki geta tapað leik þessa dagana og það verður engin breyting þar á í kvöld.

Brentford 0 - 3 Man City (19:30 í kvöld)
City eru komnir á flug.

West Ham 2 - 2 Fulham (19:30 í kvöld)
Sex jafntefli í síðustu níu leikjum hjá Fulham og jafnteflin verða fleiri eftir þennan leik. West Ham kemst í 2-0 en þeir fara á taugum.

Nottingham Forest 2 - 1 Liverpool (20:00 í kvöld)
Hver hefði trúað því að um væri að ræða toppbaráttuslag. Forest eina liðið sem hefur unnið Liverpool og þeir endurtaka leikinn. Leedsarinn Chris Wood skorar sigurmark leiksins.

Everton 0 - 1 Aston Villa (19:30 á morgun)
Everton er í vandræðum með að skora. Þeir verða með hærra xG í þessum leik en það dugar ekki. Villa skorar snemma leiks og siglir þessu heim.

Leicester 2 - 0 Crystal Palace (19:30 á morgun)
Leikmenn Palace eru enn að ná sér niður eftir að hafa fengið að mæta Benóný Breka í vikunni. Þeir hafa haft það að orði að þeir hafi ekki séð álíka vél á vellinum. Það mun truflað einbeitinguna í þessum leik sem hjálpar Leicester í fallbaráttunni.

Newcastle 2 - 1 Wolves (19:30 á morgun)
Mikilvægur sigur fyrir heimamenn í baráttunni um Evrópusæti. Níundi sigurleikurinn í röð kemur í þessum leik.

Arsenal 2 - 1 Tottenham (20:00 á morgun)
Ógöngur Tottenham í deildinni heldur áfram. Gestirnir komast yfir snemma leiks en sú forysta fer fljótt og enn eitt tapið niðurstaðan.

Ipswich 0 - 0 Brighton (19:30 á fimmtudag)
Þessi leikur fer í sögubrækurnar. Skemmtanagildið 0. 180 mínútur í vetur og hvorugt liðið nær inn marki

Man Utd 3 - 1 Southampton (20:00 á fimmtudag)
Það væri sniðugt að spá United vandræðum í þessum leik - Á heimavelli gegn lélegasta liði deildarinnar. Ég hef hinsvegar ekki verið þekktur fyrir að vera sniðugur í gegnum tíðina og ætla ekkert að breyta því núna.

Fyrri spámenn:
Júlíus Mar (7 réttir)
Jói Ástvalds (7 réttir)
Danijel Djuric (6 réttir)
Hinrik Harðarson (6 réttir)
Nablinn (5 réttir)
Arnór Smárason (5 réttir)
Hákon Arnar (5 réttir)
Ingimar Helgi (5 réttir)
Tómas Þór Þórðarson (5 réttir)
Davíð Atla (4 réttir)
Hjammi (4 réttir)
Viktor Karl (4 réttir)
Jón Kári (4 réttir)
Elín Jóna (3 réttir)
Benoný Breki Andrésson (3 réttir)
Gísli Gottskálk Þórðarson (3 réttir)
Atli Þór (2 réttir)
Stubbur (2 réttir)
Benedikt Warén (2 réttir)

		L	U	J	T	ms:	mf:	mun	Stig
1	Arsenal	38	26	7	5	71	27	+44	85
2	Man City	38	23	9	6	77	35	+42	78
3	Man Utd	38	20	11	7	69	50	+19	71
4	Aston Villa	38	19	8	11	56	49	+7	65
5	Liverpool	38	17	9	12	63	53	+10	60
6	Bournemouth	38	13	18	7	58	54	+4	57
7	Sunderland	38	14	12	12	42	48	-6	54
8	Brighton	38	14	11	13	52	46	+6	53
9	Brentford	38	14	11	13	55	52	+3	53
10	Chelsea	38	14	10	14	58	52	+6	52
11	Fulham	38	15	7	16	47	51	-4	52
12	Newcastle	38	14	7	17	53	55	-2	49
13	Everton	38	13	10	15	47	50	-3	49
14	Leeds	38	11	14	13	49	56	-7	47
15	Crystal Palace	38	11	12	15	41	51	-10	45
16	Nott. Forest	38	11	11	16	48	51	-3	44
17	Tottenham	38	10	11	17	48	57	-9	41
18	West Ham	38	10	9	19	46	65	-19	39
19	Burnley	38	4	10	24	38	75	-37	22
20	Wolves	38	3	11	24	27	68	-41	20