Sjáðu markið: Lingard gaf Young Boys sigurinn á silfurfati

Jöfnunarmark Young Boys kom á 66. mínútu og sigurmarkið kom í uppbótartímanum eftir skelfileg mistök frá varamanninum Jesse Lingard. Enski landsliðsmaðurinn ætlaði að senda til baka en sendingin var vægast sagt slök; Theoson Siebatcheu komst inn í hana og skoraði.

Hægt er að sjá sigurmarkið í leiknum með því að smella hérna.

Lingard kom inn á sem varamaður á 65. mínútu fyrir Cristiano Ronaldo, markaskorara United. Lingard hafði ekki mikil áhrif á leikinn, jú fyrir utan sigurmark Young Boys.

Lokatölur 2-1 og fyllilega verðskuldaður sigur Young Boys. United byrjar riðlakeppnina ekki vel. Mótherjinn í kvöld átti að vera sá auðveldasti í riðlinum.