Spánn: Sociedad færist nær Evrópusæti - Orri spilaði tæpan hálftíma

Landsliðsfyrirliðinn byrjaði á bekknum hjá Sociedad en kom inn á þegar tæpur hálftími var eftir af leiknum.

Þá var staðan 3-0 fyrir Sociedad. Mikel Oyarzabal hafði komið heimamönnum yfir úr vítaspyrnu á 24. mínútu og þá skoraði Portúgalinn Goncalo Guedes tvö mörk sitt hvoru megin við hálfleikinn.

Victor Munoz minnkaði muninn fyirr Osasuna á 77. mínútu sem reyndist síðasta mark leiksins.

Sociedad er í 7. sæti deildarinnar með 38 stig, þremur stigum frá Celta Vigo sem er í Evrópusæti.

Celta tapaði einmitt stigum í dag er það gerði 1-1 jafntefli við Real Betis í Seville-borg.

Mark Ferran Jutgla dugði ekki Celta því spænski hægri bakvörðinn Hector Bellerin jafnaði metin fyrir Betis í upphafi síðari hálfleiks og sá til þess að halda Celta í þriggja stiga fjarlægð.

Betis er í 5. sæti með 44 stig en Celta í sætinu fyrir neðan með 41 stig.

Betis 1 - 1 Celta
0-1 Ferran Jutgla ('4 )
1-1 Hector Bellerin ('49 )

Real Sociedad 3 - 1 Osasuna
1-0 Mikel Oyarzabal ('24 , víti)
2-0 Goncalo Guedes ('28 )
3-0 Goncalo Guedes ('52 )
3-1 Victor Munoz ('77 )