Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fim 15. apríl 2021 20:52
Aksentije Milisic
Evrópudeildin: Arsenal slátraði Slavia - United, Roma og Villareal áfram
Saka var öflugur í kvöld.
Saka var öflugur í kvöld.
Mynd: EPA
Cavani skoraði í sigri United.
Cavani skoraði í sigri United.
Mynd: EPA
Roma komst áfram.
Roma komst áfram.
Mynd: Getty Images
Mynd: Getty Images
8-liða úrslit Evrópudeildarinnar kláruðust í kvöld með fjórum leikjum.

Í Tékklandi áttust við Slavia Prag og Arsenal. Fyrri leik liðanna lauk með 1-1 jafntefli í London og því mátti búast við hörku leik í Prag í kvöld.

Raunin varð hins vegar allt önnur. Arsenal var miklu betra liðið í kvöld og átti ekki í neinum vandræðum með Slavia. Á 14. mínútu skoraði Emile-Smith Rowe en VAR ákvað að dæma rangstöðu.

Þetta stoppaði ekki Arsenal og stuttu seinna kom Nicolas Pepe liðinu yfir eftir flotta sendingu frá Rowe. Alexandre Lacazette gerði annað mark Arsenal úr vítaspyrnu og það var svo Bukayo Saka sem gerði þriðja markið á 24. mínútu með laglegu skoti í nærhornið.

Staðan 0-3 í hálfleik og yfirburðir Arsenal mjög miklir. Alexandre Lacazette gerði sitt annað mark á 77. mínútu eftir sendingu frá Pepe og það var lokamark leiksins. Arsenal er því komið í undanúrslitin.

Á Old Trafford áttust við Manchester United og Granada. United leiddi 2-0 eftir fyrri leikinn á Spáni. Edinson Cavani skoraði fyrsta mark leiksins í kvöld en það gerði hann með góðu skoti eftir sendingu frá fyrirliðanum Paul Pogba.

Jesus Vallejo gerði sjálfsmark í uppbótartíma og því 2-0 sigur heimamanna staðreynd. United vinnur því einvígið samanlagt 4-0.

Á Spáni áttust við Villareal og Dinamo Zagreb. Villareal vann fyrri leikinn 1-0. Þegar flautað var til leikhlés voru Gulu Kafbátarnir tveimur mörkum yfir og einvígið því sem gott sem búið. Dinamo náði að klóra í bakkann í síðari hálfleiknum en það dugði ekki til og Villareal fer því áfram og mætir Arsenal í undanúrslitum.

Á Ítalíu var mesta spennan en þar mættust AS Roma og Ajax. Rómverjar unnu fyrri leikinn í Hollandi 1-2 og því með pálmann í höndunum fyrir leikinn í kvöld.

Staðan var marklaus í hálfleik en Brian Brobbey kom Ajax yfir í byrjun síðari hálfleiks. Hann hafði einungis verið inn á vellinum í fjórar mínútur áður en hann skoraði.

Dusan Tadic hélt að hann væri að koma Ajax í tveggja marka forystu en VAR dæmdi markið af. Á 72. mínútu skoraði Edin Dzeko af stuttu færi og jafnaði leikinn fyrir heimamenn.

Ajax tókst ekki að koma leiknum í framlengingu og niðurstaðan því 3-2 samanlagður sigur Rómverja. Roma mætir Manchester United í undanúrslitum.

Manchester Utd 2 - 0 Granada CF
1-0 Edinson Cavani ('6 )
2-0 Jesus Vallejo - Sjálfsmark

Slavia Praha 0 - 4 Arsenal
0-1 Nicolas Pepe ('18 )
0-2 Alexandre Lacazette ('21 , víti)
0-3 Bukayo Saka ('24 )
0-4 Alexandre Lacazette ('77 )

Roma 1 - 1 Ajax
0-1 Brian Brobbey ('49 )
1-1 Edin Dzeko ('72 )

Villarreal 2 - 1 Dinamo Zagreb
1-0 Paco Alcacer ('36 )
2-0 Gerard Moreno ('43 )
2-1 Mislav Orsic ('74 )
Athugasemdir
banner
banner
banner