Fótbolti.net

Axel Óskar kominn heim: Núna spilar maður með hjartanu

Jökull: Upplifði einhverja ást hér sem ég hef ekki upplifað áður

Þórður Gunnar: Leist best á Aftureldingu

Oliver með fiðring: Báðir bræður mínir spiluðu hér

„Einu leikmennirnir sem við höfum farið í viðræður við“

Segir Breiðablik vera alltof spennandi - „Virkilega margir sem skildu mig"

Arnar Pálmi: Aldrei upplifað annað eins

Sá leikjahæsti framlengdi við Völsung - „Ákvað að hætta því leikriti núna"

Alli Jói: Eins stórt og það gerist fyrir Völsung

Elfar Árni: Ekki hægt að segja nei þegar hann sagði mér að drulla mér heim

Var með nokkur tilboð en fannst FH langmest spennandi

Hoppaði í sófanum þegar lausn fannst - „Atvinnumennska að koma í Breiðablik"

Aftur upp í Bestu deildina - „Í sjálfu sér seldur eftir þann fund"

Valgeir vonar að fólk skilji sig - „Hef heyrt sögur úr Kórnum"

Spenntur fyrir næsta skrefi - „Einn besti markvarðarþjálfari sem þú finnur á Íslandi"

Heimspekingur, kennari og nú þjálfari - „Þetta eru tímamót"

Bannað að mæta á stjórnarfund og var ráðinn í kjölfarið - „Mjög stoltur að félagið sé til í að veðja á mig"

Sverrir Ingi: Ef við viljum fara alla leið þá þurfum við að vera með okkar bestu menn

Leikplanið breytist þegar Orri meiðist - „Vorum ekki búnir að undirbúa okkur“

Jói Berg: Hareide verið flottur og það er uppgangur

mán 15. apríl 2024 14:57

Sæbjörn Þór Þórbergsson Steinke

Kjartan Henry: Hallgrímur sá ekki til sólar eftir það

Mynd: Fótbolti.net - Hafliði Breiðfjörð

Heimir gerði Val að Íslandsmeisturum sumarið 2022.

Mynd: Fótbolti.net - Hafliði Breiðfjörð

Í leik með FH í fyrra.

Mynd: Fótbolti.net - J.L.

„Mér líst mjög vel á þennan drátt, stór leikur. Ég hef orðið bikarmeistari nokkrum sinnum og ef maður ætlar að fara alla leið þá þarf maður að vinna þessi lið líka, fínt að gera það í næstu viku," sagði Kjartan Henry Finnbogason, aðstoðarþjálfari FH, við Fótbolta.net í dag.

FH heimsækir Val í 32-liða úrslitum Mjólkurbikarsins. Kjartan er uppalinn KR-ingur og það er rígur milli Vals og KR.

„Já, það er alltaf gaman að mæta Val, svo er smá sögulína þarna líka annars staðar. Þetta verður auðvitað rosalega erfiður leikur, við vitum alveg hversu vel mannaðir og gott lið Valur er. Við eigum leik á laugardaginn og svo þurfum við að finna einhvern góðan dag í næstu viku til þess að spila þennan leik," sagði Kjartan.

Það má ætla að sögulínan sem Kjartan nefnir sé sú að Heimir Guðjónsson er fyrrum þjálfari Vals, þjálfaði liðið tímabilin 2020, 2021 og var svo látinn fara um mitt tímabil 2022.

Bæting og stígandi
FH er með þrjú stig í Bestu deildinni eftir tvær umferðir. Liðið tapaði gegn Blikum í fyrstu umferð en vann svo KA fyrir norðan.

„Byrjunin hefur verið fín, smá skrekkur í fyrri hálfleik á móti Breiðabliki en seinni hálfleikurinn var mjög góður og við vorum mjög óheppnir að fá ekki neitt úr þeim leik finnst mér. Svo spiluðum við fínan leik fyrir norðan, það er bæting og stígandi í þessu. Við þurfum að taka það með okkur áfram og byrja á laugardaginn gegn HK."

Minna en það lítur út fyrir að vera
Kjartan og Heimir Guðjónsson fengu báðir gult spjald fyrir norðan. Voru læti í ykkur?

„Nei, ég sat nú bara í stólnum mínum þegar það var fleygt gulu framan í mig. Það vita allir hvernig þetta er búið að vera, það eru einhverjar áherslubreytingar og þarf kannski eitthvað minna til - allavega í þessum fyrstu leikjum - en þetta er ekkert alvarlegt."

Kjartan var svo spurður út í atvikið í uppbótartíma þegar Heimir lét Hallgrím Jónasson þjálfara KA heyra það.

13.04.2024 22:25

Heimir fékk gult eftir að hafa látið Hallgrím gjörsamlega heyra það

„Ég held þetta sé minna en þetta lítur út fyrir að vera. Þetta var ekki neitt, bara einhver kergja. Við vorum að gera skiptingu og Hallgrímur var eitthvað pirraður - skiljanlega - var að tapa leiknum. Heimir lét hann aðeins heyra það og Hallgrímur sá ekki til sólar eftir það," sagði Kjartan.

Gaman að vera í kringum strákana
Kjartan lagði skóna á hilluna í vetur. Er þig ekkert farið að kitla að fara í takkaskóna?

„Nei nei, ég er alltaf í takkaskóm, er að trappa mig niður. Ég er farinn úr plastinu og yfir í þjálfara leðurskóna. Ég hef rosalega gaman af þessu, gaman að vera í kringum strákana og hjálpa þeim. Sérstaklega núna að fá sigur fyrir norðan, það er ekki auðvelt, þetta er bara hrikalega gaman og ég er bara spenntur fyrir sumrinu," sagði Kjartan.