Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 15. október 2020 11:41
Hafliði Breiðfjörð
KSÍ sendi fyrirspurn til almannavarna - Ekki svar fyrr en á morgun
Víðir Reynisson á æfingu hjá íslenska landsliðinu þegar hann var öryggisstjóri KSÍ. Með honum á myndinni eru Guðni Bergsson og  Þorgrímur Þráinsson.
Víðir Reynisson á æfingu hjá íslenska landsliðinu þegar hann var öryggisstjóri KSÍ. Með honum á myndinni eru Guðni Bergsson og Þorgrímur Þráinsson.
Mynd: Fótbolti.net - Hafliði Breiðfjörð
KSÍ sendi fyrirspurn til Almannavarna fyrr í vikunni og spurði hvernig mál myndu þróast á næstu vikum. Enginn fótbolti hefur verið spilaður síðan nýjustu takmarkanir sóttvarnarlæknis tóku gildi en Íslandsmótið hefur verið stopp síðan 7. október síðastliðinn.

Magnús Már Einarsson ritstjóri Fótbolti.net var viðstaddur Zoom fund Almannavarna í dag og spurði á fundinum hvort þau hafi átt í samtali við KSÍ um Íslandsmótið í fótbolta og hvort það muni halda áfram?

„Ekkert formlega en þau sendu okkur fyrirspurn og ræddu við okkur fyrr í vikunni um hvort við gætum sagt til um hvernig mál myndu þróast. Svar okkar er að minnisblað sóttvarnarlæknis myndi skera úr um það og viðbrögð heilbrigðisráðuneytisins og við getum ekki svarað því fyrr en á morgun," sagði Víðir Reynisson á fundinum.

Hann spurði Þórólf hvort áfram yrði stefnt á mismunandi takmarkanir á höfuðborgarsvæðinu og utan þess og svaraði:

„Ég vil ekki fara í smáatriðum út í hvað stendur í minnisblaðinu en í grundvallaratriðum tel ég ekki rúm núna til að fara út í tilslakanir," sagði Þórólfur á fundinum.

Þórólfur var líka spurður á fundinum hvort búist megi við tilslökunum á íþróttastarfi barna og svaraði:

„Í grunninn eru óbreytt tilmæli frá mér. Ráðherra var þó ekki alveg sammála mínu minnisblaði og það er ekkert óeðlilegt við það," sagði Þórólfur á upplýsingafundi almannavarna í dag.
Athugasemdir
banner
banner
banner