Leikur færður vegna stúdentaóeirða í Tirana

Búið er að færa leik albanska liðsins Egnatia gegn Midtjylland frá Danmörku í Sambandsdeildinni um leikvang. Hann átti að fara fram á þjóðarleikvangi Albaníu í Tirana en hefur verið færður til Elbasan sem er í um 45 mínútna akstursfjarlægð.

Ástæðan eru ofbeldisfull mótmæli í miðborg Tirana. Tugir þúsunda námsmanna hafa safnast saman, kveikt var í opinberri byggingu og tveimur bönkum og grjóti kastað í lögregluna.

Mótmælin beinast gegn stjórnvöldum og eru vegna spillingar og hækkandi kostnaði við menntun. Tugir einstaklinga hafa slasast í óeirðunum.