Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 16. febrúar 2020 19:16
Guðmundur Aðalsteinn Ásgeirsson
Danmörk: Fyrsti leikur Arons tapaðist - Eggert spilaði í sigri
Aron Elís Þrándarson á landsliðsæfingu.
Aron Elís Þrándarson á landsliðsæfingu.
Mynd: Fótbolti.net - Hafliði Breiðfjörð
Danska úrvalsdeildin er farin aftur af stað eftir langt vetrarfrí. Bröndby og OB mættust í Íslendingaslag í Óðinsvé.

Hjörtur Hermannsson hefur verið að glíma við meiðsli og var hann ekki í leikmannahópi Bröndby. Aron Elís Þrándarson samdi í desember á síðasta ári. Hann byrjaði á bekknum í dag, en kom inn á sem varamaður í síðari hálfleik.

Það var Bröndby sem fór með sigur af hólmi, 2-0. Anthony Jung kom Bröndby yfir á áttundu mínútu og innsiglaði Lasse Vigen Christensen sigurinn á 80. mínútu.

Þetta var fyrsti keppisleikur Arons fyrir OB, sem er í níunda sæti dönsku úrvalsdeildarinnar. Bröndby er í fjórða sæti.

Eggert Gunnþór Jónsson var í byrjunarliði SönderjyskE og spilaði 73 mínútur er liðið lagði Hobro að velli, 3-1. Ísak Óli Ólafsson var ekki í leikmannahópi SönderjyskE, sem er í tíunda sæti.

Tveimur leikjum var frestað í dönsku úrvalsdeildinni í dag. Leikur Nordsjælland og Horsens fór ekki fram út af miklum vindi og þá þurfti að fresta leik AGF og Randers þar sem völlurinn hjá AGF var ekki í nægilega góðu standi út af mikilli rigningu.

Jón Dagur Þorsteinsson er á mála hjá AGF, sem er í þriðja sæti dönsku úrvalsdeildarinnar.
Athugasemdir
banner
banner
banner
banner