Meistarar í 3. deild.
Andri Júl, Sveinbjörn og Marinó Hilmar
2. flokks strákar sem spiluðu stórt hlutverk með Kára.
Kári varð meistari í 3. deild og tók við bikar fyrir afrekið á laugardag. Liðið fékk 47 stig úr leikjunum 22 og var í raun búið að tryggja sér fyrsta sætið fyrir lokaumferðina; Víðir hefði þurft að vinna stórsigur og Kári hefði þurft að tapa stórt gegn Árbæ. Kári tapaði gegn Árbæ og Víðir gerði jafntefli og því vann Kári deildina með tveimur stigum.
Kári var á sínu þriðja ári í röð í 3. deild eftir að hafa fallið úr 2. deild 2021. Tímabilin 2022 og 2023 endaði liðið í 5. sæti deildarinnar. Kári fór síðast upp úr 3. deildinni árið 2017 þegar liðið vann deildina með níu stigum.
Kári var á sínu þriðja ári í röð í 3. deild eftir að hafa fallið úr 2. deild 2021. Tímabilin 2022 og 2023 endaði liðið í 5. sæti deildarinnar. Kári fór síðast upp úr 3. deildinni árið 2017 þegar liðið vann deildina með níu stigum.
Einn leikmaður var í því liði sem er enn að spila með Kára. Það er Marinó Hilmar Ásgeirsson sem fæddur er 1995. Hann hefur leikið allan sinn feril með Kára ef frá er tekið tímabilið 2022 þegar hann lék með Kórdrengjum í Lengjudeildinni. 2017 var núverandi þjálfari liðsins, Andri Júlíusson, leikmaður liðsins. Sveinbjörn Geir Hlöðversson, formaður félagsins, hefur verið formaður félagsins í 14 ár.
24 leikmenn komu við sögu í leikjum Kára í sumar, átján þeirra léku sex leiki eða meira. 14 af þeim eru fæddir 2005 eða síðar, eru því á 2. flokks aldri. Átta leikmenn sem spiluðu í sumar eru fæddir 2000-2003, Hilmar Halldórsson (1999) kom við sögu í einum leik í deildinni og sá elsti var Marinó Hilmar.
Sigurjón Logi Bergþórsson (2001) var markahæstur með tólf mörk og næstir á eftir honum komu þeir Hektor Bergmann Garðarsson og Axel Freyr Ívarsson (báðir 2005) með níu mörk skoruð hvor.
3. deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Kári | 22 | 14 | 5 | 3 | 63 - 25 | +38 | 47 |
| 2. Víðir | 22 | 13 | 6 | 3 | 54 - 25 | +29 | 45 |
| 3. Árbær | 22 | 14 | 3 | 5 | 47 - 32 | +15 | 45 |
| 4. Augnablik | 22 | 12 | 4 | 6 | 46 - 30 | +16 | 40 |
| 5. Magni | 22 | 9 | 6 | 7 | 35 - 38 | -3 | 33 |
| 6. Hvíti riddarinn | 22 | 8 | 2 | 12 | 45 - 49 | -4 | 26 |
| 7. ÍH | 22 | 7 | 4 | 11 | 61 - 63 | -2 | 25 |
| 8. KV | 22 | 8 | 1 | 13 | 36 - 50 | -14 | 25 |
| 9. KFK | 22 | 8 | 1 | 13 | 39 - 59 | -20 | 25 |
| 10. Sindri | 22 | 7 | 3 | 12 | 40 - 49 | -9 | 24 |
| 11. Elliði | 22 | 7 | 2 | 13 | 32 - 54 | -22 | 23 |
| 12. Vængir Júpiters | 22 | 5 | 3 | 14 | 37 - 61 | -24 | 18 |
Athugasemdir
