17.10.26 - 12:23
Brynjar Ingi Erluson
Snýr aftur í hópinn eftir langa fjarveru
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Brasilíski varnarmaðurinn Eder Militao er kominn aftur í leikmannahóp Real Madrid fyrir leikinn gegn Sevilla á morgun eftir að hafa glímt við erfið meiðsli undanfarin ár.
Militao hefur verið ótrúlega óheppinn með meiðsli undanfarin ár, en hann sleit krossband í fyrsta leik tímabilsins 2023-2024 og missti af stærstum hluta leiktíðarinnar.
Hann framlengdi samning sinn við Real Madrid snemma árs 2024, en í nóvember sama ár sleit hann krossband á ný og var frá keppni það sem eftir lifði tímabilsins.
Brasilíumanninum hefur gengið illa að losna úr þessum vítahring meiðsla. Hann sneri aftur í byrjun síðustu leiktíðar en meiddist á ný í nóvember og var frá fram í mars. Endurkoman entist þó aðeins í rúman mánuð áður en hann meiddist enn eina ferðina og hefur hann ekki spilað síðan.
Nú sér loksins til sólar hjá Militao, en Jose Mourinho, þjálfari Real Madrid, hefur valið hann í hópinn fyrir leikinn gegn Sevilla. Vonandi er þessi erfiði meiðslakafli loksins að baki hjá Brasilíumanninum.
Militao er 28 ára gamall og hefur leikið 194 leiki fyrir Real Madrid á þeim sjö árum sem hann hefur verið hjá félaginu. Á þeim tíma hefur hann unnið ellefu titla og tvisvar verið valinn í lið tímabilsins í La Liga.
Hann framlengdi samning sinn við Real Madrid snemma árs 2024, en í nóvember sama ár sleit hann krossband á ný og var frá keppni það sem eftir lifði tímabilsins.
Brasilíumanninum hefur gengið illa að losna úr þessum vítahring meiðsla. Hann sneri aftur í byrjun síðustu leiktíðar en meiddist á ný í nóvember og var frá fram í mars. Endurkoman entist þó aðeins í rúman mánuð áður en hann meiddist enn eina ferðina og hefur hann ekki spilað síðan.
Nú sér loksins til sólar hjá Militao, en Jose Mourinho, þjálfari Real Madrid, hefur valið hann í hópinn fyrir leikinn gegn Sevilla. Vonandi er þessi erfiði meiðslakafli loksins að baki hjá Brasilíumanninum.
Militao er 28 ára gamall og hefur leikið 194 leiki fyrir Real Madrid á þeim sjö árum sem hann hefur verið hjá félaginu. Á þeim tíma hefur hann unnið ellefu titla og tvisvar verið valinn í lið tímabilsins í La Liga.
????? ¡Nuestros convocados!
— Real Madrid C.F. (@realmadrid) October 17, 2026
???? @SevillaFC https://t.co/K2lgWGtXDY
