17.10.26 - 11:16
Brynjar Ingi Erluson
Duncan Ferguson að snúa aftur í þjálfun
Duncan Ferguson ásamt Wayne Rooney
Mynd: Twitter
Duncan Ferguson ásamt Wayne Rooney
Mynd: Twitter
Skoski þjálfarinn Duncan Ferguson er að snúa aftur á hliðarlínuna eftir tveggja ára fjarveru, en hann er að taka við Glentoran í Norður-Írlandi.
Ferguson varð að goðsögn hjá Everton á sínum leikmannaferli, en hann lék lengst af með félaginu auk þess að hafa spilað með Rangers, Dundee United og Newcastle United.
Eftir að skórnir fóru á hilluna hefur hann meðal annars tvisvar sinnt starfi bráðabirgðastjóra Everton og verið í þjálfarateymi þeirra Carlo Ancelotti, Rafael Benítez og Frank Lampard áður en hann yfirgaf félagið sumarið 2022.
Hann tók síðar við Forest Green Rovers, þar sem hann var við stjórnvölinn í hálft ár og féll með liðinu úr deildinni, áður en hann hélt til Skotlands og tók við Inverness Caledonian Thistle. Þar starfaði hann í eitt ár þar til félagið var sett í greiðslustöðvun.
Nú er Ferguson hins vegar á leið aftur í þjálfun, en samkvæmt Belfast Telegraph mun hann taka við Glentoran sem leikur í efstu deild Norður-Írlands.
Glentoran situr í fjórða sæti deildarinnar með 17 stig eftir ellefu umferðir og er fjórtán stigum á eftir toppliðinu.
Eftir að skórnir fóru á hilluna hefur hann meðal annars tvisvar sinnt starfi bráðabirgðastjóra Everton og verið í þjálfarateymi þeirra Carlo Ancelotti, Rafael Benítez og Frank Lampard áður en hann yfirgaf félagið sumarið 2022.
Hann tók síðar við Forest Green Rovers, þar sem hann var við stjórnvölinn í hálft ár og féll með liðinu úr deildinni, áður en hann hélt til Skotlands og tók við Inverness Caledonian Thistle. Þar starfaði hann í eitt ár þar til félagið var sett í greiðslustöðvun.
Nú er Ferguson hins vegar á leið aftur í þjálfun, en samkvæmt Belfast Telegraph mun hann taka við Glentoran sem leikur í efstu deild Norður-Írlands.
Glentoran situr í fjórða sæti deildarinnar með 17 stig eftir ellefu umferðir og er fjórtán stigum á eftir toppliðinu.
