Fótbolti.net

„Hef trú á því að ég geti orðið betri leikmaður undir þeirra stjórn"

Skrítnari hlutir gerst í fótboltanum - „KR er fortíðin"

Grátlegt að missa af síðustu landsleikjum - „Aldrei heyrt um svona meiðsli"

Óviss hvert svarið yrði - „Mamma grét og fannst þetta mjög gaman"

Heyrði smell í síðasta sprettnum - „Náði að búa til límonaði úr þessu"

Björn Bragi gefur út Krakkakviss fótboltaspil

Aron Jóhannsson: Um leið og hann hringdi var þetta aldrei spurning

Gerði samkomulag við Samma - „Búinn að vonast eftir þessu síðustu ár"

„Forréttindi að hafa haft tvær Chelsea goðsagnir sem þjálfara"

Birkir Valur: HK hjartað er sterkt og slær hart

Aron Bjarna: Erfitt að keppa við félögin sem eru með mun hærra budget

Lánið lykill að frábæru gengi Norrköping - „Besta sem ég gat gert"

Valgeir: Ef ég hefði farið þá hefði tækifærið hjá Örebro ekki komið

„Í draumaheimi? Þá kæmi draumatilboð og þá væri maður ekki áfram"

TM-Mót Stjörnunnar 2023

Gunnar óviss með framtíðina: Aldrei inn í myndinni að vera áfram í FH

Sjáðu mörkin í sigri Fram á Breiðabliki

Ísak segir frá markmiðum sínum - „Það er stærsta viðurkenningin"

Greip tækifærið í bakverðinum og var orðaður við félög í efri hlutanum - „Athygli er ekki leiðinleg"

Óklárað verkefni frá 2014 - „Tvö lið í efstu deild sem höfðu samband"

fim 17. nóvember 2022 12:00

@saebjornth

Sæbjörn Þór Þórbergsson Steinke

Loksins kominn á góðan stað - „Búið að reyna hrikalega á andlega"

Kom inn á í bikarúrslitaleiknum.

Mynd: Fótbolti.net - Hafliði Breiðfjörð

Það var skemmtilegt að verða bikarmeistari, fyrsti titilinn hérna á Íslandi. Það var geggjað að koma inn á og spila á móti brosa

Mynd: Fótbolti.net - Hafliði Breiðfjörð

Planið er alltaf að fara út, ég held að það sé þannig hjá flestum hér heima á Íslandi. Planið er að reyna það, en byrja á að gera eitthvað í þessari deild

Mynd: Fótbolti.net - Hafliði Breiðfjörð

Arnór Borg Guðjohnsen hefur glímt við langvarandi meiðsli síðustu tvö tímabil. Tímabilið 2021 missti hann út ellefu deildarleiki með Fylki vegna meiðsli. Síðasta haust samdi hann svo við Víking og í ár missti hann af sautján deildarleikjum.

Arnór kom við sögu í tíu deildarleikjum og var í byrjunarliðinu í þremur þeirra. Þá kom hann við sögu í bikarúrslitaleiknum þegar Víkingur vann FH.

„Skrokkurinn er allur að koma til, ég var meiddur lengi og er loksins kominn á stað sem ég vil vera á. Þetta er búið að reyna hrikalega á andlega, 12-13 mánuðir þar sem ég var ekkert að spila. Ég fór í kviðslitsaðgerð og svo kom í ljós að mjöðmin var slæm líka. Það er geggjað að vera byrjaður að æfa aftur á fullu," sagði Arnór við Fótbolta.net.

„Ég fór erlendis bæði í kviðslitsaðgerðina - var ennþá að drepast og skildi ekkert af hverju og enginn hér heima sem gat áttað sig á þessu - þannig ég fór út til London og þar kom í ljós að mjöðmin var í hakki líka."

„Það versta í þessu var óvissan, að vita ekkert hvað væri að manni, stanslaust að reyna finna út úr því sjálfur. Þegar maður loksins vissi hvað var að þá var það þvílíkur léttir."

Fyrsti leikur Arnórs eftir meiðslin var gegn Fram í ágúst. „Við vorum með svo þunnan hóp á þessum tíma, smá pressa á manni að komast aftur í gang. Að hlaupa inn á vara hrikalega skrítið, það var svo langt síðan maður hljóp inn á völlinn. Tilfinningin var geggjuð."

„Klárlega, geggjað að hafa fengið að byrja nokkra leiki og fá þessar mínútur, þær eru mikilvægar fyrir næsta tímabil."

„Það var skemmtilegt að verða bikarmeistari, fyrsti titilinn hérna á Íslandi. Það var geggjað að koma inn á og spila á móti brosa," sagði Arnór og brosti. Eiður Smári Guðjohnsen er eldri bróðir Arnórs.

Hvernig horfir næsta tímabil við þér?

„Ég er allavega að æfa á fullu núna, koma líkamanum í gott stand fyrir næsta tímabil. Ég ætla reyna mitt besta."

Dreymir hann um að fara aftur út í atvinnumennsku?

„Planið er alltaf að fara út, ég held að það sé þannig hjá flestum hér heima á Íslandi. Planið er að reyna það, en byrja á að gera eitthvað í þessari deild."

Ertu með eitthvað markmið varðandi hlutverk í liðinu?

„Markmiðið er að koma mér í byrjunarliðið og sýna hvað ég get, hjálpa liðinu."

Þeir Sveinn Aron, Andri Lucas og Daníel Tristan - synir Eiðs Smára - spila allir í Svíþjóð. Fylgist Arnór með frændum sínum þar?

„Ég horfi ekki mikið á leikina kannski en ég tala mikið við þá og heyri alltaf í þeim eftir leiki - sé hvernig þeim gengur og svona. Það er gaman að sjá hvert þeir eru komnir, gaman að sjá Andra kominn í alvöru fullorðinsbolta - búinn að vera lengi í akademíufótbolta - þarf að reyna sanna sig þar líka."

Meira um Arnór Borg:
Arnór Borg: Innsæið sagði að ég ætti að fara til Víkings ('21)
Arnór Borg: Covid eiginlega eyðilagði framtíð mína hjá Swansea ('21)
Arnór Borg: Loksins að stíga upp úr meiðslum ('19)

Athugasemdir

Nýjustu fréttirnar