Keflavík sigurstranglegast í umspilinu

Lesendur Fótbolta.net telja líklegast að Keflavík verði það lið sem fylgi ÍBV upp í Bestu deildina. Keflavík er eitt fjögurra liða sem keppir í umspili um að komast upp.

Í dag í Mjóddinni verður fyrri leikurinn gegn ÍR í undanúrslitum en sá seinni verður í Keflavík á sunnudag. Sigurliðið mun mæta Fjölni eða Aftureldingu í hreinum úrslitaleik á Laugardalsvelli, 50 milljóna króna leiknum.