Sergio Aguero, sóknarmanni Manchester City, verður ekki refsað fyrir atvik sem átti sér stað í 1-0 sigri á Arsenal í gær.
Undir lok fyrri hálfleiks þá var Aguero eitthvað ósáttur og ræddi við aðstoðardómarann Sian Massey-Ellis, sem þykir afar fær í sínu starfi sem aðstoðardómari í ensku úrvalsdeildinni.
Aguero lét það ekki nægja að ræða við Massey-Ellis heldur setti hendina aftan á háls hennar. Massey-Ellis var auðsjáanlega ekki ánægð með þetta.
Það er bannað fyrir leikmenn að leggja hendur á dómara og hefur Aguero verið harðlega gagnrýndur á samfélagsmiðlum.
Guardian segir frá því að Aguero verði ekki refsað af enska knattspyrnusambandinu.
Gunnar Jarl hrósar Massey-Ellis
Gunnar Jarl Jónsson, einn besti dómari sem Ísland hefur átt, telur að Massey-Ellis hafi tæklað atvikið rétt.
„Er algjörlega ósammála meirihluta Twitter með að refsa eigi Aguero fyrir viðbrögð sín við Sian Massey. Massey er einn færasti aðstoðardómari England, á milli þeirra ríkir gagnkvæm virðing. Hún dæmt yfir 40-50 leiki eflaust hjá honum á ferlinum," skrifar Gunnar Jarl á Twitter.
„Fyrir mína parta sýnir hún styrk sinn, hunsar hann, ýtir honum aðeins frá sér og hunsar hann aftur. Auðvitað á að taka umræðuna, þetta er aldrei í lagi og óviðeigandi en hún dílar frábærlega við þetta. Gerir ekki athugasemd við þetta og sleppir að láta dómarann vita."
„Starfaði með Massey árið 2013, fáránlegur fagmaður fram í fingurgóma og það vita leikmenn í ensku úrvalsdeildinni. Hún les rétt í aðstæður þó rétt sé að láta Aguero heyra það. En tek það fram, ekki í lagi að snerta dómara en það er dómara líka að lesa í aðstæður og meta þær," skrifar Gunnar Jarl á Twitter.
Sjá einnig:
Guardiola segir Aguero indælasta náunga sem hann þekki
Fyrst ég er byrjaður. Er algjörlega ósammála meirihluta Twitter með að refsa eigi Aguero fyrir viðbrögð sín við Sian Massey. Massey er einn færasti aðstoðardómari England, á milli þeirra ríkir gagnkvæm virðing. Hún dæmt yfir 40-50 leiki eflaust hjá honum á ferlinum. Aldrei í lagi
— Gunnar Jarl Jónsson (@gunnar_jarl) October 17, 2020
Athugasemdir