Man Utd gæti lent í vandræðum ef Shaw nær ekki bata

Þetta var fimmti sigur Man Utd í röð í öllum keppnum með Shaw í byrjunarliðinu, en hann missti af nokkrum leikjum þar á undan vegna meiðsla sem héldu honum frá í einn mánuð.

Shaw fann fyrir óþægindum og bað um skiptingu, en þjálfarateymi Rauðu djöflanna býst ekki við að meiðslin séu alvarleg. Þeir vonast til að bakvörðurinn verði klár fyrir leik liðsins á heimavelli gegn Fulham næsta laugardag.

Ljóst er að Erik ten Hag, þjálfari Man Utd, gæti lent í vandræðum ef Shaw getur ekki ferðast með til Craven Cottage.

Portúgalski hægri bakvörðurinn Diogo Dalot leysti Shaw af hólmi í vinstri bakvarðarstöðunni síðast þegar hann meiddist en nú er staðan önnur vegna meiðsla hjá Aaron Wan-Bissaka.

Eftir meiðsli Wan-Bissaka á dögunum er Dalot eini bakvörðurinn í leikmannahópi Rauðu djöflanna sem er heill heilsu.

Því er óljóst hver mun spila í bakverði ásamt Dalot í næstu leikjum Rauðu djöflanna ef Shaw nær ekki bata nógu skjótt, en það eru nokkrir leikmenn sem koma til greina. Miðjumaðurinn Sofyan Amrabat getur spilað sem bakvörður og þá eru nánast allir miðverðir Rauðu djöflanna heilir heilsu, þeir geta brugðið sér í bakvarðarstöðurnar í neyð.

Tyrell Malacia og Lisandro Martinez, sem eru báðir öflugir sem vinstri bakverðir, eru enn meiddir.