Stórleikur kvöldsins er auðvitað leikur FH og Vals í Kaplakrika. Þessi félög hafa verið þau tvö öflugustu undanfarin ár. Valur er ríkjandi Íslandsmeistari og er Ólafur Jóhannesson, þjálfari Vals, að fara á sinn gamla heimavöll.

Fyrir leikinn er FH með sjö stig og Valur með fjögur stig.

Valsmenn hafa verið mikið í fréttum undanfarna daga eftir að það kom í ljós að félagið reyndi að losa sig við sóknarmanninn Gary Martin fyrir gluggalok. Það tókst ekki og spennandi verður að sjá hvort Gary verður í hóp í dag.

Á sama tíma fær KR nýliða HK í heimsókn og Grindavík og Fylkir eigast við. Allir leikirnir hefjast klukkan 19:15.

mánudagur 20. maí

Pepsi Max-deild karla
19:15 KR-HK (Meistaravellir)
19:15 Grindavík-Fylkir (Mustad völlurinn)
19:15 FH-Valur (Kaplakrikavöllur)