Ítalía í dag - Hlaðborðið opnar snemma í Sassuolo

Sex leikir fara í dag fram í Seríu A á Ítalíu. Áttunda umferð deildarinnar klárast svo með einum leik sem fram fer annað kvöld.

Fjórir leiktímar eru á Ítalíu í dag. Sassuolo fær Inter í heimsókn klukkan 10:30, þrír leikir fara fram klukkan 13:00, þar á meðal leikur Sampdoria og Roma. Þá mætir Parma liði Genoa klukkan 16:00.

Veislan klárast svo í Mílanó borg þegar heimamenn í AC fá Lecce í heimsókn. Stefano Pioli mun í kvöld stýra sínum fyrsta leik sem stjóri Milan en hann var ráðinn á dögunum.