Hólmbert er mættur aftur til Kiel eftir að hafa verið á láni hjá norska félaginu Lilleström.

Hann hefur nýtt sínar mínútur vel í þessum mánuði en í dag skoraði hann eina mark liðsins í 2-1 tapinu gegn Hannover. Spilað var 2x60 mínútur og kom mark hans á 98. mínútu.

B-deildin byrjar aftur eftir viku er Holsten mætir Greuther Furth en liðið er í 8. sæti með 25 stig.

Rúnar Þór Sigurgeirsson spilaði sinn fyrsta leik á undirbúningstímabilinu með sænska B-deildarliðinu í Öster í 4-0 sigri á Halmstad. Hann átti góðan leik í vinstri bakverðinum. Alex Þór Hauksson spilaði einnig fyrri hálfleikinn.

Elías Rafn Ólafsson var í marki Midtjylland sem gerði markalaust jafntefli við St. Pauli í æfingaleik í dag, en hann missti sæti sitt á síðasta ári til Jonas Lössl.

Böðvar Böðvarsson var í byrjunarliði Trelleborg sem gerði 1-1 jafntefli við Karlskrona.