Juranovic var frábær í hægri bakverðinum hjá Króatíu á HM í Katar og kjölfarið fóru fjölmörg lið að spyrjast fyrir um hann.

Leikmaðurinn er á mála hjá Celtic í Skotlandi en þó aðeins í nokkra daga til viðbótar því hann er á leið til Union Berlín í Þýskalandi.

Union hefur komist að samkomulagi við Celtic um kaupverð á Juranovic en hann mun kosta 7,5 milljónir punda.

Juranovic er á leið til Þýskalands þar sem hann mun gangast undir læknisskoðun áður en hann skrifar undir langtímasamning.

Union er í 5. sæti þýsku deildarinnar með 27 stig.