Spánn: Barcelona mistókst að vinna nýliðana

Barcelona og Cadiz áttust við í La Liga deildinni á Spáni í dag en leikið var á Nývangi.

Lionel Messi varð í dag leikjahæsti leikmaður Barcelona í sögu deildarinnar en hann var að bæta metið hans Xavi.

Það var einmitt Messi sjálfur sem skoraði fyrsta markið leiksins en það gerði hann af vítapunktinum eftir að brotið hafi verið á Pedri.

Allt stefndi í 1-0 sigur heimamann en á 89. mínútu fengu nýliðarnir vítaspyrnu og á punktinn steig Alex Fernandez. Hann skoraði og tryggði Cadiz frábært stig.

Barcelona mistókst því að vinna Cadiz í tveimur tilraunum í vetur en Cadiz vann fyrri leik þessara liða. Barcelona er í þriðja sæti en Cadiz í 15.