„Ég er mjög ánægður með stigið," sagði Arnar Gunnlaugsson, þjálfari Víkinga, eftir 1-1 jafntefli gegn KR í Pepsi Max-deildinni í kvöld.
KR jafnaði í uppbótartíma eftir að Víkingur hafði leitt frá tíundu mínútu. Samt sem áður var Arnar sáttur með úrslitin að eigjn sögn.
KR jafnaði í uppbótartíma eftir að Víkingur hafði leitt frá tíundu mínútu. Samt sem áður var Arnar sáttur með úrslitin að eigjn sögn.
Lestu um leikinn: Víkingur R. 1 - 1 KR
„Seinni hálfleikur var mjög erfiður. Þeir lágu vel á okkur KR-ingar og spiluðu mjög vel, án þess þó að skapa sér einhver færi. Ég er mest svekktur að hafa ekki klárað leikinn í fyrri hálfleik. Ég upplifi það þannig að við fengum færi til að skora fleiri mörk í fyrri hálfleik."
„Mér fannst þetta verðskuldað jafntefli, KR átti skilið að jafna leikinn fannst mér."
Víkingur er áfram eina taplausa lið deildarinnar en þeir eru þremur stigum frá toppnum eftir þessi úrslit í kvöld.
„Hver leikur er bara stríð og hrikalega gaman, við verðum að njóta þess. Við þurfum að sýna betri leik og vera líkari sjálfum okkur til að standast þessum liðum sporðinn. Við megum ekki falla svona mikið í skotgrafirnar og vera hræddir við að spila okkar leik. Mér fannst það áberandi í seinni hálfleik."
Athugasemdir